O vindeiro 15 de agosto de 2018 en Cuntis, con motivo da celebración das festas patronais, o Concello de Cuntis (en colaboración coa Escudería Cuntis V.T) organiza a II Carreira de Rolos de Herba Seca polo centro da vila. Nesta proba lúdico-deportiva, únicamente poderán participar PERSOAS MAIORES DE 18 ANOS.

Haberá 3 premios en metálico:

1º Equipo Clasificado 500€.
2º Equipo Clasificado 300€.
3º Equipo vClasificado 100€.

INSCRIPCIÓN:

1. A INSCRIPCIÓN GRATUÍTA LIMITADA A 24 EQUIPOS.

2. Para inscribirse será necesario enviar unha mensaxe de Whatsapp ó número de tlf 685 58 19 62 antes do día 14 de agosto ás 20:00. (Sergio). Os equipos serán inscritos por riguroso orde de entrada.

3. A inscripción incluirá NOME DO EQUIPO, nome e idade dos compoñentes (obrigatorio presentar DNI o día da proba).

NORMAS:

1. A competición comezará PUNTUALMENTE ÁS 17:30H do día 15 de agosto, aínda que os equipos deberán presentarse a partir das 16:30 e con límite de
17:15. A partir de esa hora, o equipo que non se presente quedará descualificado e procederase a inscribir o seguinte equipo (por orde de entrada) na lista de suplentes (ocupando o posto dos descalificados por incomparecencia).

2. Os ROLOS SÓLO PODEN SER EMPUXADOS COA MAN OU CO CORPO
(A utilización de obxetos como paus, mangos, forcadas ou calquer outro elemento, acarrea a EXPULSIÓN INMEDIATA DA PROBA).

3. Os equipos que serán OBRIGATORIAMENTE MIXTOS (en calquera destas dúas proporcións: 2 mulleres – 1 home, ou 2 homes - 1 muller), e estarán compostos por 3 persoas maiores de 18 anos. Durante o percorrido, o rolo solo poderá ser empuxado por dúas persoas. O equipo pode facer as rotacións que estime necesarias durante todo o percorrido, pero sempre con dúas persoas empuxando. ÚNICAMENTE PODERÁN EMPUXAR Á VEZ OS 3 MEMBROS DO EQUIPO, NO MOMENTO QUE SE ENFRONTEN ÓS
PERPIAÑOS (pedra de granito de forma rectangular).

4. Todos os membros do equipo deberán vestir botas goma (katiuskas), pantalón corto e sombreiro de palla. Acudir á proba sen esta vestimenta
será motivo de expulsión. O equipo que non cruce a liña de meta correctamente vestido, poderá ser descualificado.

5. Cada equipo irá acompañado en todo momento por un comisario deportivo, que terá potestade para descualificar ó equipo se non este non cumpre as
normas (bandeira vermella). Así mesmo, o comisario levará un calzo para frear o rolo en caso de necesidade.

6. Se durante o percorrido se desfai o Rolo, ese equipo terá que volver ó principio donde atopará un Rolo novo listo para competir.

7. A organización reservase o dereito de descalificar a calquer equipo que maltrate o rolo ou que teña comportamentos pouco deportivos cos resto de participantes.

8. O percorrido estará completamente delimitado e valado de principio a fin. Os componentes do equipo non poderán ser axudados por persoas alleas ó mesmo.

MECÁNICA DA PROBA:

1. Un membro de cada equipo, sairá correndo desde o principio da ponte do río Gallo (sorteando obstáculos) ata a esquina do Balneario, donde o esperarán os outros dous membros do equipo xa preparados co rolo. Solo poderán empuxar o rolo, cando o corredor lles dea unha palmada na espalda. O rolo de herba, deberá subir pola rúa da Igrexa, rodear a Biblioteca municipal e finalmente chegar á Praza de Ferrol (Diante do Bar Quico).

2. Haberá 2 mangas clasificatorias con carreiras de dous equipos á vez. Os equipos loitarán entre eles por orde de inscripción. O equipo gañador pasa á seguinte rolda e o perdedor queda descualificado. Eliminanse os equipos ata que solo queden como máximo 6, que pasarán á Gran Final.

3. Na Gran final os equipos deberán realizar o mesmo percorrido pero loitando contra o crono. O equipo que faga o percorrido en menos tempo, GANARÁ A PROBA.

O segundo e terceiro clasificado serán adxudicados seguindo esta mesma norma.

4. A organización disporá de 8 rolos de herba seca perfectamente preparados para resistir durante toda a competición. No hipotético caso de que os rolos non aguanten toda a carreira, a organización poderá cambiar a mecánica da proba e esta limitaráse a facer o percorrido, carrexando entre os 3 membros do equipo, unha alpaca sen que esta toque o chan. Por cada vez que esta toque o chan, aumentaranse 20” no crono final.